തൃശൂർ: രാജ്യത്ത് ഏറ്റവും മികച്ച പ്രകടനം കാഴ്ചവച്ച സംസ്ഥാന ഔഷധസസ്യ ബോർഡുകൾക്കുള്ള ദേശീയ ഔഷധസസ്യ ബോർഡിന്റെ എക്സലൻസ് അവാർഡ് (സിൽവർ) സംസ്ഥാന ഔഷധസസ്യ ബോർഡിനു ലഭിച്ചു.
ന്യൂഡൽഹിയിലെ വിജ്ഞാൻ ഭവനിൽ നടന്ന ചിന്തൻ ശിബിർ പരിപാടിയിൽ ദേശീയ ഔഷധസസ്യ ബോർഡ് ചീഫ് എക്സിക്യൂട്ടീവ് ഓഫീസർ പ്രഫ. ഡി. മഹേഷ് കുമാർ കേരള സംസ്ഥാന ഔഷധസസ്യ ബോർഡ് കേരള ചീഫ് എക്സിക്യൂട്ടീവ് ഓഫീസറും ഔഷധി മാനേജിംഗ് ഡയറക്ടറുമായ ഡോ. ടി.കെ. ഹൃദീകിന് അവാർഡ് സമർപ്പിച്ചു.
സംസ്ഥാന ഔഷധസസ്യ ബോർഡിന്റെ ഔഷധസസ്യകൃഷിയുമായി ബന്ധപ്പെട്ട പ്രവർത്തനങ്ങൾ മാതൃകാപരമാണെന്നും ഇന്ത്യയിലെ മറ്റ് സംസ്ഥാനങ്ങൾക്ക് ഇത് അവലംബിക്കാവുന്നതാണെന്നും ദേശീയ ഔഷധസസ്യ ബോർഡ് വിലയിരുത്തി.
Deepika
E-paper LOGIN
LOGIN
